Hollerbeer Haven, formerly Hollerbeier Haven, the journal of the Three Sisters Center for the Healing Arts, is now a quarterly publication of Distelfink Sippschaft!

We are making Hollerbeer Haven 14 - Volume 5, Issue 1 - Spring 2012 available in .PDF format from Urglaawe.com at no cost. Former active subscribers to the Three Sisters Center guild will receive printed copies of the first three issues.

We hope you find it enjoyable!

* Bewegungschwetzer = Motivational Speaker

Deitscher Volksaage-Rotgewwer der Don Yoder foddert, as es Lied, “Der Baer Ging iwwer der Baerrick,” vielleicht vun Teitonische Iwwerlieferinge aehnlich wie der Grundsaudaag gschtammt iss. Der Grundsaudaag schtammt selwert vun de Verhalde vum Dax in de Teitonische Lenner. In deel vun dese Lenner watt der Fux adder der Baer wie der Vorhaersaager aageblickt warre.

Wann die Verhalt vum Baer bsunne warre iss, der Glaawe waar, as der Baer vun seine Lager rauskumme watt, um zu sehne, wann er “iwwer der Baerrick” sehne kennt. Wann es Wedder glaar watt, der Baer deed in es Lager fer sexe Woche zerickgeh. Wann es gereggert adder gschneet gewest, dann der Baer sei Winterschlof ende un sei Lager zerreisse deed.

(Yoder, Don (2003). Groundhog Day. Mechanicsburg, Pennsylvania: Stackpole Books, pp. 52-53).

Wer meecht einer hawwe, schick mir en Eposchde bei deitscherei@gmail.com. 

Yetz iss die Gleech nooch “Waerkzeichheit” geltend, un die Auskunft datt iss zeitlich.

Die Gleecher sinn aa geltend nooch “Arznei” un “Wandel,” awwer die Auskunft dabei iss iwwerholt.

Denki!

In der Braucherei (un aa im Urglaawe) iss der Grundsaudaag en vielgsichtiches Fescht. Es Fescht watt vun sich in der weitere Deitsche Gesellschaft in de Feierlichkeede im Punxsutawney gschpiggelt; dese Feierlichkeede schtehne doch wie en Schadde vun der gedreiliche Bedeitung vum Grundsaudaag.

Die Braucherei verzehlt zu uns, as der 2. Hanning uns darrich en dinnerer Schleier zwische de neine Reich (koerperliche un geischtliche) bschenkt. Die erschde Landwichde (en Wicht = en Wese) erfasse die Gelegeheit, fer vun der Wilde Yacht zerickzukumme. Die Grundsau verdredet sich wie der “yenseitlicher” adder annerweltlicher Iwwerbringer, der (in me Aagschtalt aehnlich wie der Ratatosk uff em Lewesbaam in de Skandinaawische Saage) darrich sei Tunnel rennt. Daer Tunnel hot en Effning in yedem vun de neine Reich. Die Grundsau bringt darum die Bericht vun de annere Reich haer.

Zu eem landwattschaftliche Volk watt es uffkummend Wedder abaddich wichtich; sell gebt, vielleicht, die Ursach, as die Grundsau un ihre Weddervorhersaage noch driwwekumme sinn. Es Wedder iss doch ee gleenes Deel vun seinre Bottschaft. Ennichebber, der bei eem Grundsau-Lodsch am 2. Hanning mol gewest iss, weescht, as die Grundsau zaahlreiche Vorhersaage iwwerliefert. ‘S iss vorausgsetzt, as dese Wadde im Schaerz rausgebrocht sinn, awwer etliche Saage zeige aa, darrich es Zeitschnurwaerrick in der Braucherei un in annerem esoterische Gschaff, as die Grundsau aa anschtliche Bottschafte haerbringt.

Es gebt aa am 2. Hanning en Feierlichkeet zu der “Haerdgedderin” (adder “Haerdziebin” im Urglaawe), die iss weiter in Teitonischer Gschicht wie Frigg bekannt. Am 2. Hanning sette mer aa die Schaffekraft vun de Midder un de Weibsleit. Alle Vorgengerinne watt aa geehrt; sell iss iwwereischtimmlich mit de Disir-Sege (en Dis = Idis = en Owwemudder vun re Familye adder Sippe un iss, wuher die “Fee-Geedel” adder in Englisch fairy godmother entschteht), die mer in Skandinaawische un Anglo-Saxische Breich finne kann.

Darrich die Braucherei weess mer, as mer am Grundsaudaag der Feierhard (Feierplatz, Feiereck, Lichterschtock, usw) uffbutze muss. Wann der Feierhard uffgebutzt warre iss, schteckt mer en neies Feier mit re Baerkezweig aa. Wann’s en Haapthaerd waehrend der Gemeeschafts-Feierlichkeet gebt, kammer Zinderkaschde benutze, um die Flamm vum Haapthaerd nooch de Heemhaerd vun de Mitmacher zu draage. Yetz denn fangt die Friehlingbutzerei aa, un mer hot vum Grundsaudaag bis die Walpurgisnacht (30. Oschdret/Abrill), fer es Haus in die Ordning zu bringe.

As en Erfolk vun de Weibsleits-Schaffekrafte iss der Butzemann gebore; graad recht iss es besser “widdergebore” zu saage, weil der Butzemann schpringt vun de Iwwerescht vum vergangene Yaahr sei Ern. Es gebt weitleftiche Weihe, wu der Urglaawe hot vun der Braucherei geerbt, in welle der Butzemann wie der Landschirmer ausgschriwwe watt. Er bekummt der Vadder vun de kummende Feldfruchte.

Er bleibt in de Felder bis en Zeit zwische em Erntfescht (21. Scheiding/September) un em Allelieweziel (31. Gehling/Oktower), wann er muss darrichverbrennt warre. Es gebt deel erschtaunliche Gschpichte iwwer Butzemenner, die es Allelieweziel iwwerlewe, awwer dese warre bis en annerer Daag waarde.

Mir henn fer en langi Zeit dese Bledder net zugreife kenne, awwer mir greife sie heit! Die Information drin iss alt, awwer ihr kennt sie noch lese.

Arznei

Politik

Neiichkeede

Wandel

Un schunnt uff Deitscherei:

Technobabbel

Witz

Mir bloggiere graadeweck uff Deitscherei, weil mir daer Gwebblatz widderbaue.

Mir halde Mittwochs 10:00-12:00 im Kempton die Deitsch Vorschul (die Schieler sinn vum 2 bis 4 Yaahre alt). Der Unnericht iss ganz uff Deitsch. Die Vorschul schteht wie re groossere Schul ihre erschtes Deel. Fer meh Auskunft, schrieb mol zum: vorschul@gmail.com