9. Nowember, 2005 14:41

Robert Lusch
Deitscherei.org

Geschder hemmer Pennsilfaaniers ebbes nei un gaar unglaawich gemacht: Mir henn “NEE” zum PA Iwwergerichtsrichder Russell Nigro gesaagt.

Ya, mir henn aa en annerer 10-Yaahre Taermin gewwe, awwer sie hot nur mit 54% vun de Schtimme darrichgedrickt. Gwehnlich winne die Richdere mit 75% vun de Schtimme.

Ferwas iss sell passiert? ReinerSchwung….. bekannt besser uff Englisch wie “Operation CleanSweep” (www.pacleansweep.com).

Mir do im Pennsilfaani sinn bei unserer Owwerichkeit belaschdet. Un mir henn genunk ghadde. Die ungerecht Lohvermehrung fer die Semmlimenner waar der Schnebber. Yetz wisse mir, wie befleckt unsere Owwerichkeit iss, un mir misse die Semmlimenner rausbutze. Die Semmlimenner henn die Lohvermehrung abgschafft (glaar, nochdem der Nigro die Leckschen verlore hot). ‘S iss zu schpoot. Mir sinn aawarre.

Bsuch uns beim ReineSchwung!

Un, gewiss: PACleanSweep

Denki!

Robert Lusch
Bellhammel ;)
Bucks, Montgomery, un Kohlschtofft Kaundis
Unnernemmung “ReinerSchwung”